የአንድነት አባላት አቶ አንዷለምን መጠየቃቸው

የአንድነት ለዲሞክራሲና ለፍትህ ፓርቲ አባላት የእድሜ ልክ እሥራት ተፈርዶባቸው ቃሊቲ እሥር ቤት የሚገኙትን የፓርቲያቸውን ከፍተኛ ባለሥልጣን አቶ አንዷለም አራጌን ለመጀመሪያ ጊዜ መጠየቅ መቻላቸውን አስታወቁ። በትንትናው እለት ወደ ቃሊቲ እስር ቤት የሄዱት የፓርቲው አባላት አቶ አንዷለምን ማነጋገር የቻሉት ጥቂት ከተጉላሉ በኋላ መሆኑንም ተናግረዋል። ዶቼቬለ ያነጋገራቸው የአንድነት ፓርቲ የድርጅት ጉዳይ ሃላፊ ኢንጅነር ዘለቀ ረዲ አቶ አንዷለም የመንፈስ ፅናት እንደሚታይባቸው አስታውቀዋል። አቶ አንዷለም የእድሜ ልክ እሥራት የተፈረደባቸው ባለፈው ሰኔ ነበር። ወኪላችን ዮሐንስ ገብረ እግዚአብሔር ዝርዝሩን ልኮልናል።
ዮሐንስ ገብረ እግዚአብሔር
ሂሩት መለሰ
ሸዋዬ ለገሰ