የቡድን ሥምንት ጉባኤና ኢትዮጵያ

ቡድን-ሥምንት የተሰኘዉ ማሕበር የሚያስተናብራቸዉ የሥምንቱ በኢንዱትሪ የበለፀጉ ሐገራት መሪዎች ዓመታዊ ጉባኤ ዛሬ ካፕዴቪድ-ዩናይትድ ስቴትስ ዉስጥ ተጀመሯል።ጉባኤተኞች ከሚወያይባቸዉ ጉዳዮች የኢራንና የሰሜን ኮሪያ የኒክሌር መርሐ-ግብርና ዉዝግቡ፥ የአፍቃኒስታን የወደፊት ሠላም፥ የአዉሮጳ የምጣኔ ሐብት ኪሳራ እና የአፍሪቃ የምግብ ዋስትና ዋንኞቹ ናቸዉ።ሥለ አፍሪቃ የምግብ ዋስትና በሚደረገዉ ዉይይት ላይ የኢትዮጵያ ጠቅላይ ሚንስትር አቶ መለስ ዜናዊን ጨምሮ አራት የአፍሪቃ ሐገራት መሪዎች እንዲሳተፉ ተጋብዘዋል። የዩናይትድ ስቴትስ ፕሬዝዳንት ባራክ ኦባማ የሃገራቸውንና የኢትዮጵያን ግንኙነት ዳግም እንዲያጤኑ የመብት ተሟጋች ድርጅቶች ጠይቀዋል ። የአዲሲቱ ኢትዮጵያ የጋራ ንቅናቄ የተሰኘው ህብረትና የኦክላንድ ተቋም በጋራ ለፕሬዝዳንት ባራክ ኦባማ በጻፉት ደብዳቤ የኢትዮጵያው ጠቅላይ ሚኒስትር አቶ መለስ ዜናዊ ይፈፅሙታል ያሉት የሰብዓዊ መብት ጥሰት ከጊዜ ወደ ጊዜ እየከፋ ነው ። 2 ቱ ድርጅቶች እንደሚሉት ግን የኦባማ አስተዳደር ለኢትዮጵያ የሚሰጠውን ድጋፍ ዳግም እንደሚያጤነው ኦባማ ለኢትዮጵያው ጠቅላይ ሚኒስትር ማስረዳት አለባቸው ። የጠቅላይ ሚንስትር መለስ ዜናዊ በጉባኤዉ ላይ መካፈል ዩናይትድ ስቴትስ ከሚገኙ ኢትዮጵያዉያንና ከኢትዮጵያዉያን አሜሪካዉያን ተቃዉሞም፥ ድጋፍም ገጥሞታል።የዋሽንግተኑ ወኪላችን አበበ ፈለቀ ዝር ዝር ዘገባ ልኮልናል።

አበበ ፈለቀ
ነጋሽ መሐመድ
አርያም ተክሌ