የስፖርት ዝግጅት 09.11.15

በቻይና ሻንጋይ ከተማ በተካሂደው በጎርጎሮሳዊው 2015 የቻይና ሻንጋይ　ዓለም አቀፍ ማራቶን ሩጫ ውድድር　የ19 አመቱ ኢትዮጵያዊ አትሌት ቶላ ሹራ　2 ሰአት 08 ደቂቃ 53 ሰከንድ በመግባት ሶስተኛ ሆኗል። ኬንያዊው አትሌት　 ፖል ኪፕቹምባ በ2 ሰአት 07 ደቂቃ 14　 ሰከንድ　በመጨረሽ ውድድሩን አሸንፏል ። ያለፈው አመቱ የውድድሩ አሸናፊ ደቡብ አፍሪካዊው ስትፍን ሞኩካ ደግሞ 2 ሰአት 07 ደቂቃ 40 ሰከንድ በመግባት ሁለተኛ ወጥቷል ። በሴቶች ተመሳሳይ ውድድር ኢትዮጵያውያን አትሌቶች ሁለተኛ እና ሶስትኛ　ሆነዋል አትሌት ለተብርሀን ሀይሌ 2 ሰአት ከ 28 ደቂቃ ከ 11 ሰከንድ በመገባት ሁለተኛ ራህማ ቱሳ 2 ሰአትከ 33 ደቂቃ 57 ሰከንድ በማስመዝገብ ሶስትኛ ደረጃ አግኝታለች ። ውድድሩን በአንደኝነት ያጠናቀቀችው የ31 አመትዋ ኬንያዊት አትሌት ሪል ኒግሪቱኪ ናት ። ውድድሩን በ2 ሰአት ከ26　ደቂቃ ከ23ሰከንድ ነው የጨረሰችው። ዝርዝሩን የለንደንዋ ዘጋቢያችን ሃና ደምሴ አዘጋጅታዋለች ።

ሃና ደምሴ

ኂሩት መለሰ

አርያም ተክሌ