አፈርና አሳሳቢው የአፈር ማደበሪያ፤

ይበልጥ ምክራቸው ይበልጥ የሚፈለገው አነስተኛም ሆነ መለስተኛ የመሬት ይዞታ ላላቸው አርሶ አደሮች ነው።

ከአንድ ወር ከ 5 ቀናት በፊት በዚህ ክፍለ ጊዜ፤ «የአፍሪቃ ክፍለ ዓለም የአፈር ካርታ » በሚል ርእስ ባቀረብነው ዝግጅት ፣ የአፍሪቃ ማሳዎች፤ ያለክብካቤ፤ ከመጠን በላይ በተደጋጋሚ በመታረሣቸው፤ በአፈሩ ውስጥ የሚገኙ የተፈጥሮ ማዕድናት ስለመመናመናቸው፤ የአውሮፓው ኅብረት ያቀረበው የአፈር ካርታ እንደሚያስረዳ አውስተን እንደነበረ ይታወስ ይሆናል።

በመሃሉም፣ በዓለም ዙሪያ የዱር ዐራዊትና እንስሳት እንዲጠበቁ የሚታገለው ድርጅት World Wide Fund For Nature (WWF)(እ ጎ አ በ 1961 ዓ ም በአስዊስ አገር ሲመሠረት World Wildlife Fund በመባል ይታወቅ የነበረው ድርጅት መሆኑ ነው ፣)በተለይ የጀርመኑ ቅርንጫፍና ለጀርመን አረንጓዴ ፓርቲ የሚቀርበው ፣ ሃይንሪኽ በኧል ድርጅት፣ በኅብረት፤ ከአውሮፓው ኅብረት ጋር ተመሳሳይነት ያለው ጥናት አቅርበዋል። ርእሰ-ጉዳዩ

«የአፈር አልሚ ማዕድናት አሉታዊ ተጽእኖ በሞቃት ሃገራት ግብርና ላይ » የሚል ነው። በዚህ ርእስ ስለቀረበው ጥናት ፤ ከ WWF ያነጋገርናቸው የግብርና ባለሙያ ዶ/ር ብርጊት ቪልሄልም--ማብራሪያ አላቸዉ።

ተክሌ የኋላ

ሂሩት መለሰ